بكرة ترجعي بالسلامة

بكرة ترجعي بالسلامة
وتلقي دارك بي حبايبك
عامرة راجياك يا وسامة
والخلوق بتجيك تطايبك
ويرسمولك إبتسامة
في الطريق القالو جايبك
وتنسي ألمانيا وضلاما
وتنسي بعدك عن قرايبك

بكرة ترجعي لي ديارك
شايلة حب الناس في قلبك
وبتموت جواكي نارك
لما تلقيهم بقربك
ولما يعلن انتصارك
أو تضع أوزارة حربك
يبقى حب الناس شعارك
والورد مفروش في دربك
_
بكرة ترجعي بالشهادة
العشانها عشتي غربة
وتنسي غربتة واضطهادة
وتنفرج ليك أي كربة
وتجني أمك إجتهادة
وتنسى أوجاع كل ضربة
وتجلبي معاك السعادة
للأقارب والأحبة