عيووووووون

إتغيرتي زدتي جمال كمان فتان
عيونك ذاتا ما خلقوها في إنسان
جمالك مافي لو لفينا أي مكان
نظيرك ما بيتكرر مدى الأزمان
_
حواجب سودا ودايرة زي النون
وفمك فيهو أنواع الدرر مكنون
عيونك تكتل الطيبين وتشفي جنون
شلتي الجايزة من غير شك وأي ظنون
_
كتبت حروفي لكن ما بتوفي القول
وأيضا ما وصفت لجيدك المصقول
لأنو عيونك انتي سالبة بيها عقول
كتار شافوها أقسمو قالو ما معقول
_
كاهلية وجميلة يمين بتملأ العين
وفيها سمرة لون وحمرة الشفتين
الألباب بالإشارة ديمة هم فاهمين
اسمها في القصيدة وزيدو حرف ال(ن)